Brazılııa men Argentına oıynynda jankúıerler tóbeles shyǵardy

2026 jylǵy álem chempıonatyna irikteý oıyny aıasynda Brazılııa men Argentına quramalary kezdesti. Rıo-de-Janeırodaǵy Marakana stadıonynda ánuran oryndaý kezinde eki quramanyń jankúıerleri tóbelesip qaldy, dep habarlaıdy Kazinform Sports.kz-ke silteme jasap. 

Jergilikti polıtsııa qyzmetkerleri fýtbol fanattary men fýtbolshylardy sabyrǵa shaqyryp, jaǵdaıdyń ýshyǵyp ketýine jol bermedi. Argentına quramasynyń kapıtany Lıonel Messı komandalastaryn alańnan alyp ketti. 

Janjaldan soń Marakana stadıonyndaǵy oıyn óz ýaqytynan 27 mınýtqa kesh bastaldy. 

Tartysty ótken matchtaǵy jeńisti goldy portýgalııalyq «Benfıka» komandasynyń qorǵaýshysy Nıkolas Otamendı salyp, quramasyna mańyzdy úsh upaıdy syılady. «Pentakampıondar» bul kezdesýdi on oıynshymen aıaqtady. Brazılııa quramasynyń jartylaı qorǵaýshysy Djoelınton 81 mınýtta alańnan qýyldy. 

Aıta keteıik, 15 upaımen Argentına Ońtústik Amerıka aımaǵyndaǵy irikteý oıyndarynyń týrnırlik kestesinde birinshi orynda tur. 7 upaımen Brazılııa altynshy orynǵa jaıǵasqan. 

Horrible scenes in the stands prior to Brazil vs Argentina. pic.twitter.com/ZluK2yQI4b

— Alexi Lalas (@AlexiLalas) November 22, 2023

Argentina vs Brazil has always been an exciting fixture but not once did I expect to see this 😭pic.twitter.com/Apg3dChthY

— Reasons (@LFCReasons) November 22, 2023