Brazılııa qus tumaýynyń órshýine baılanysty tótenshe jaǵdaı jarııalady
RIO-DE-JANEIRO. QazAqparat - Brazılııa jabaıy qustar arasynda qus tumaýynyń órshýine baılanysty alty aılyq merzimge tótenshe jaǵdaı jarııalady, dep habarlaıdy QazAqparat BBC News-ke silteme jasap.
Qus tumaýyn juqtyrýdyń jeti oqıǵasy Espırıtý-Santo shtatynda, taǵy bireýi Rıo-de-Janeıro shtatynda tirkeldi.
El úkimetiniń janýarlarǵa baılanysty tótenshe jaǵdaı jarııalaýy óte juqpaly H5N1 vırýsynyń taralýyn boldyrmaý úshin sharalar qabyldaýǵa múmkindik beredi.
Brazılııa - taýyq etin álemdegi eń iri eksporttaýshy el. Onyń jyldyq satylymy shamamen 10 mlrd AQSh dollaryn quraıdy.
Bılik ókilderi qus tumaýynyń Brazılııanyń ońtústigindegi negizgi óndiristik aımaqtarynan alys jerde anyqtalǵanyn aıtty.
Elde saqtyq sharasy retinde 180 kún boıy densaýlyq saqtaý salasyndaǵy tótenshe jaǵdaı jarııalandy.
