Brazılııa quramasynyń bas bapkeri Skoları otstavkaǵa ketti
ASTANA. QazAqparat - Brazılııa quramasynyń bas bapkeri Lýıs Felıpe Skoları óz qyzmetinen ketti, dep jazady sports.ru.
Fýtboldan ÁCh-da 3-oryndy sarapqa salǵan Gollandııa-Brazılııa kezdesýinde bolǵan sońǵy jeńilisten keıin (0:3) 65 jastaǵy maman Brazılııanyń fýtbol konfederatsııasyna qyzmetten ketý týraly ótinishimen bardy. Bul sheshim qoldaý tapty, dep habarlady Globoesporte.
Aqparat kóziniń málimetinshe, Skolarıdiń otstavkasy týraly búgin resmı túrde jarııalanatyn bolady.
Eske sala keteıik, Skoları Brazılııa quramasynyń bas jattyqtyrýshysy qyzmetine bir jarym jyl buryn taǵaıyndalǵan. Onyń jetekshiligimen qurama 2013 jyly konfederatsııa kýbogyna ıe bolǵan. Al 2014 jylǵy ÁCh-nyń jartılaı fınalynda Germanııadan jeńilip (1:7), qola úshin kúreste Gollandııaǵa ese jiberdi (0:3).
Atap óteıik, Skoları basshylyǵymen Brazılııa quramasy 2002 jyly álem chempıonatynda jeńiske jetken.
