Brazılııa quramasynyń bapkerligine Dýnga qaıta oraldy
ASTANA. QazAqparat - Fýtboldan Brazılııa quramasynyń jańa bas bapkeri bolyp komandanyń burynǵy kapıtany Dýnga taǵaıyndaldy.
Ol Álem chempıonatynda Brazılııanyń sátsiz oıynynan keıin ótken aptada otstavkaǵa ketken Lýıs Felıpe Skolarıdi aýystyrady, dep jazady VVS.
Dýnga Brazılııa quramasyn 2006-2010 jyldar aralyǵynda basqarǵan bolatyn, sondaı-aq 2013 jyly «Internasonal» klýbynyń bapkeri boldy.
Fýtbolshy retinde Dýnga 1990,1994 jáne 1998 jyldardaǵy álem chempıonattarynda oınady.
Eske sala keteıik, Skoları Brazılııa quramasynyń bas jattyqtyrýshysy qyzmetine bir jarym jyl buryn taǵaıyndalǵan. Onyń jetekshiligimen qurama 2013 jyly konfederatsııa kýbogyna ıe bolǵan. Al 2014 jylǵy ÁCh-nyń jartylaı fınalynda Germanııadan jeńilip (1:7), qola úshin kúreste Gollandııaǵa ese jiberdi (0:3).
Atap óteıik, Skoları basshylyǵymen Brazılııa quramasy 2002 jyly álem chempıonatynda jeńiske jetken.
