Brazılııa koronavırýs juqtyrǵandar sany boıynsha álemde úshinshi orynǵa shyqty
BRAZILIA. QazAqparat – Sońǵy úsh kún ishinde Brazııalııa koronavırýs juqtyrǵandar sany boıynsha Ispanııa, Italııa, Frantsııa men Ulybrıtanııany basyp ozdy, dep habarlaıdy QazAqparat dw.com-ǵa silteme jasap.
Resmı derek boıynsha, elde 254 220 vırýs juqtyrý jaǵdaıy tirkelgen. 19 mamyrdaǵy málimet boıynsha 24 saǵatta koronavırýs juqtyrǵan 13 140 jańa jaǵdaı anyqtalǵan.
Sonymen qatar, AFP agenttiginiń habarlaýynsha, Latyn Amerıkasy elinde júrgizilgen testileýdiń az bolýyna baılanysty aýrý juqtyrǵandardyń naqty sany 15 ese kóp bolýy múmkin.
Brazılııada vırýs juqtyrǵandar sanynyń tez ósýi koronavırýs qaýpin joqqa shyǵaryp otyrǵan bul eldiń prezıdenti Jaıra Bolsonarýǵa degen qysymdy kúsheıtedi, dep habarlaıdy Reuters.
