Brazılııa koronavırýs juqtyrǵandar sany boıynsha álemde ekinshi orynǵa shyqty
NUR-SULTAN. QazAqparat – Brazılııa koronavırýs juqtyrǵandar sany boıynsha Reseıden ozyp, álemde ekinshi orynǵa shyqty, dep habarlaıdy QazAqparat dw.com-ǵa silteme jasap.
Amerıkadaǵy Djon Hopkıns ýnıversıtetiniń málimetinshe, 23 mamyrǵa qaraǵan túni Brazılııada jalpy 330 890 koronavırýs juqtyrý oqıǵasy tirkelse, Reseıde 326 448 bolǵan.
Sońǵy táýlikte Brazılııada 20 803 koronavırýs juqtyrǵan, bul eldegi pandemııa kezindegi rekord kórsetkish. Bir kúnde indetten 1001 adam qaıtys bolsa, pandemııa bastalǵannan beri 21 048 adam kóz jumǵan.
Dúnıejúzilik densaýlyq saqtaý uıymynyń (DDSU) Tótenshe jaǵdaılar boıynsha basshysy Maık Raıan juma kúni Ońtústik Amerıkany «indettiń jańa oshaǵy», al Brazılııany «eń kóp zardap shekken el» dep ataǵan. Raıan COVID-19 dertin juqtyrǵandar men odan kóz jumǵandar sany elde eń kóp Amazonııa aımaǵyna nazar aýdardy.
Brazılııada 2020 jyly COVID-19 pandemııasy saldarynan memlekettik qaryz rekord dárejede ósýi kútilýde (JІÓ 93,5 paıyzyna deıin). Bul sońǵy 120 jyldaǵy baqylaý júrgizilgen kezdegi jalpy ishki ónimniń eń tómen quyldyraýy (kem degende, JІÓ-niń 4,7 paıyzy) bolmaq. Bul rette, AFP agenttiginiń habarlaýynsha, elde indet juqtyrǵandardyń naqty sany júrgizilgen zertteý testiniń az bolýyna baılanysty 15 ese kóp bolýy da yqtımal.
