Brazılııa ǵalymdary Zıka bezgegine qarsy vaktsına oılap tappaq
ASTANA. QazAqparat - Brazılııa Densaýlyq saqtaý mınıstrligi Zıka bezgeginiń betin qaıtarýǵa belgili ǵalymdardy jumyldyryp, bir jyl ishinde indetke qarsy ekpe oılap tappaq, dep habarlady www.24.kz.
Osy maqsatta AQSh-tyń Tehastaǵy zertteý ortalyǵymen kelisim jasasyp, Aýrýlardy baqylaý jáne aldynalý ortalyǵymen birlese júzege asyrmaq. Jobaǵa Ebolaǵa qarsy vaktsına jasaýǵa atsalysqan GlaxoSmithKline kompanııasyn tartý da kózdelip otyr. Al sońǵy aqparat boıynsha Brazılııada bezgekten 3 adam kóz jumǵan. Vırýstyń aıaǵy aýyr ana qursaǵyndaǵy nárestege de qaýipti ekeni belgili boldy. Sondyqtan qazir jergilikti bılik turǵyndarǵa zııankes masadan qalaı qorǵaný kerektigin jappaı úıretýge kóshti.
«Alǵa qoıǵan maqsatqa jetý úshin biraz ýaqyt ketedi. Biraq bizdiń mamandar ózderine senimdi. Olar Zıka indetine qarsy vaktsınany biz oılaǵandaı 4-5 jylda emes, 1 jyldyń ishinde jasap shyǵarýǵa bolady deıdi. Jaqyn kúnderi amerıkalyq 15 ǵalym kelip, bizdiń mamandarmen birge emdik ekpeni jasaýǵa kirisedi», - dedi Brazılııanyń Densaýlyq saqtaý mınıstri Marselo Kastro.
