Brazılııa ǵalymdary aýadaǵy koronavırýsty anyqtaıtyn qurylǵy oılap tapty

BRAZILIıA. QazAqparat – San-Paýlý ýnıversıteti Medıtsınalyq mektebiniń jáne Omni-electronica startapynyń zertteýshileri jańa koronavırýstyń úlgilerin aýada jınaýǵa múmkindik beretin tehnologııany jasap shyǵardy. QazAqparat bul týraly Agencia Brasil agenttigine silteme jasap habarlaıdy.

Qurylǵy adam kóp jınalatyn ǵımarattardyń ishinde qoldanýǵa óte paıdaly bolýy múmkin.

Spiri ataýyna ıe bolǵan qurylǵy buryn da bar bolatyn. Ony startaptyń negizin qalaǵan ýnıversıtettiń Polıtehnıkalyq mektebiniń burynǵy stýdentteri jasaǵan. Qurylǵynyń áýeldegi maqsaty ǵımarat ishindegi aýa sapasyn baǵalaý bolatyn. Eki aı boıy zertteýshiler jergilikti aýrýhanalardyń ishindegi aýaǵa saraptama júrgizgen.

«Bizde ǵımarat ishindegi aýa sapasy boıynsha senimdi málimetter bazasy bar. Biz respıratorlyq vırýstardyń qalaı taralatynyn jáne qys aılarynda ınfektsııanyń qalaı kúsheıýi múmkin ekenin bilemiz. Koronavırýs pandemııasy bastalǵan kezde jabyq ǵımarat ishinde vırýstyń taralý múmkindigi joǵary ekenin bildik. Ol kezde bul málimetti tipti, Dúnıejúzilik densaýlyq saqtaý uıymy da aıtpaǵan edi», - dep atap ótti Omni-electronica jetekshisi jáne zertteý úılestirýshisi Artýr Aıkava.

Málimetke sáıkes, Spiri-ge ornatylǵan datchık. Ol aýany jınap, málimetti ortalyq stantsııaǵa jiberedi. Stantsııa birden ınternet arqyly málimetti suryptap, tehnıka mamandaryna aýa aınalymyn jaqsartý boıynsha klıentterge konsýltatsııa berýge kómektesedi.

Zertteý nátıjeleri ǵylymı jýrnalda jarııalaýǵa daıyndalyp jatyr.

Aıkavanyń aıtýynsha, Spiri belgili bir ortada respıratorlyq vırýstardyń shoǵyrlanýyna tosqaýyl bola alady jáne ǵımarat ishinde vırýstyń bolǵan-bolmaǵanyna test jasap turady. Onyń sózinshe, qurylǵyny strategııalyq mańyzdy jerlerge, mysaly, poıyz jáne metro beketterine ornatý elderdiń pandemııadan keıingi qalypty ómirge oralýyna kómektesedi.

«Koronavırýsqa arnalǵan testerdi osy sekildi hattamamen jasaýǵa bolady, biraq olardy ýaqyt jáne baǵasyna baılanysty keń aýqymda ótkizý qıyn. Zerthanalyq taldaý nátıjelerin alýǵa kem degende bes kún ketedi. Al Spiri vırýstyń taralýynan saqtaný úshin aldyn alý sharalary qoldanyldy ma degen suraqqa naqty ýaqyt rejıminde jaýap beredi», - dep atap ótti Aıkava.