Brazılııa fýtboldan álem chempıonatynda alǵashqy jeńisine jetti
ASTANA. KAZINFORM — Fýtboldan 2026 jylǵy álem chempıonatynda S tobynda synǵa túsip jatqan Brazılııa — Gaıtı quramalary kezdesti.
Bes dúrkin álem chempıony Brazılııa quramasy ekinshi kezdesýde jeńiske jetýge bar kúshin saldy. Olar alǵashqy týrda Marokkomen (1:1) teń oınaǵan edi. Sondyqtan bul joly upaı joǵaltpaýǵa tyrysty.
Brazılııalyq fýtbolshylar tóreshi ysqyryǵy estilgen sátten alǵa qaraı umtyldy. Nátıjesinde olardyń qatarynan Mateýs Kýnıa 23, 36-mınýtta qos goldyń avtory atandy.
Al 45-mınýtta Vınısıýs Jýnıor óz múmkindigin múlt jibergen joq.
Osylaısha Brazılııa qarsylasyn 3:0 esebimen qapy qaldyryp, týrnır kestesinde 4 upaımen birinshi orynǵa kóterildi.
Aıta ketsek, bul toptaǵy taǵy bir kezdesýde Marokko quramasy Shotlandııany 1:0 esebimen jeńdi.
Endi aldaǵy týrda 25 maýsymda Brazılııa men Shotlandııa, Gaıtı men Marokko kezdesedi.
Eske salsaq, budan buryn AQSh quramasy Aýstralııadan basym tústi.
