Brazılııa erler men áıelderdiń jalaqysyn teńestiredi

RIO-DE-JANEIRO. QazAqparat - Brazılııa erler men áıelderdiń jalaqysyn teńestirmekshi. Elde áıelderdiń jalaqysy erlerdikinen 20% az bolǵan, dep habarlaıdy QazAqparat Agencia Brasil-ge silteme jasap.

8 naýryz Halyqaralyq áıelder kúninde el prezıdenti Lýıs Inasıý Lýla da Sılva birdeı qyzmet atqaratyn erler men áıelderdiń eńbekaqysyn teń tóleý týraly zań jobasyn resmı usyndy.

Onyń avtory - Brazılııa parlamentiniń múshesi Samııa Bonfın.

Zań jobasynyń mátininde kompanııalardyń jalaqy tóleý saıasatyn ashyq etýi jáne jalaqy tóleýde kemsitýshilikke qarsy kúresý máseleleri qarastyrylǵan.

Brazılııada halyqaralyq áıelder kúninde áıelder quqyǵyn tikeleı nasıhattaıtyn Brazılııa Úkimeti bastaǵan birqatar sharalar jarııalanyp, atap ótiledi.

2019 jyly IBGE memlekettik statıstıka agenttigi júrgizgen saýalnama kórsetkendeı, áıelder taldanǵan búkil kásipterde erlerge qaraǵanda az jalaqy alady.