Brazılııa bıligi júkti áıelderge Olımpıadaǵa kelmeýge keńes etti
ASTANA. QazAqparat - Brazılııa bıligi júkti áıelderge Rıo-de-Janeırodaǵy Olımpıadaǵa kelmeýge keńes etti. Yahoo Sports-tyń habarlaýynsha, oǵan Zıka vırýsy sebep bolyp otyr.
Dúnıejúzilik densaýlyq saqtaý uıymy vırýstyń náresteniń densaýlyǵyna keri áser etýiniń yqtımaldyǵy kóp dep esepteıdi.
«Júkti áıelder úshin bul óte qaýipti. Sondyqtan biz eger olar bastaryna qaýip tóndirgisi kelmese, Rıo-de-Janeırodaǵy 2016 jylǵy Olımpıadaǵa kelmegenderi jón», - dedi Brazılııa prezıdentiniń kómekshisi Jak Vagner.
Masalardyń shaǵýymen taratylatyn ınfektsııa búkil latynamerıkalyq qurlyqqa taraǵan, ásirese Brazılııa men Kolýmbııa kóp zardap shegip otyr.
Eske sala keteıik, Rıodaǵy Olımpıada 5-21 tamyz kúnderi ótedi.
