Brazılııa 2016 jylǵy Olımpıada oıyndaryn tamashalaǵysy kelgen sheteldikter úshin vızasyz rejim engizedi
ASTANA. QazAqparat - Brazılııa bıligi 2016 jylǵy Olımpıada jáne Paralımpıada oıyndaryna kelýshi sheteldik azamattar úshin vızasyz rejim engizdi. El prezıdenti Dılma Rýsseff qol qoıǵan tıisti buıryq sársenbi kúni memlekettik BAQ-ta jarııa etildi, dep habarlady «TASS» agenttigi.
Qazan aıynyń sońynda Brazılııa parlamentiniń joǵarǵy palatasy - Federaldyq Senat zań jobasyn maquldaǵan bolatyn, oǵan prezıdent Rýsseff qol qoıdy.
Brazılııaǵa vızasyz kirý quqyǵyn elge 2016 jyldyń qyrkúıeginen bastap, kiretin azamattar 90 kúndik merzimge paıdalana alady.
2014 jyly fýtboldan álem chempıonaty kezinde osyǵan uqsas bastama engizilgen bolatyn, biraq sonda onyń qyzmeti matchtardyń eń bolmaǵanda birine bıleti bolǵan týrısterge qatysty taraldy.
Jazǵy Olımpıada 2016 jyldyń 5-21 tamyz aralyǵynda ótedi. Bul Ońtústik Amerıkada ótetin birinshi Olımpıada oıyndary bolmaq. Paralımpıada 7-18 qyrkúıek aralyǵynda ótpek.
