Biraz kún sýsyz otyrǵan Almaty turǵyndary jańbyr sýyn shelekpen jınap jatyr

ALMATY. KAZINFORM — Bostandyq aýdanynyń 20 myń turǵyny sýsyz otyr. Tirshilik kózinen ajyrap qalǵan turǵyndar áleýmettik jelilerde qala ákimdigine shaǵymdanýda. 

4 kún sýsyz otyrǵan Ermensaı yqsham aýdanynyń turǵyndary jańbyr sýyn shelekpen jınaýǵa kirisken.

Turǵyndardyń aıtýynsha, aımaqty sýmen qamtamasyz etip otyrǵan «Vodsnab» JShS aýyz sýdy tolyǵymen óshirip tastaǵan.

— Almaty qalasy Bostandyq aýdanynyń 20 myń turǵyny sýsyz qaldy. Qala ákimdigi eshteńe istemeı otyr. «Vodsnab» JShS bir yqsham aýdannyń sýyn óshirip tastady. Jergilikti atqarýshylar tek ýáde berýmen shekteledi. Sýmen qamtamasyz etý qubyrlary tolyqtaı jeke adamdarǵa tıesili. Olar tehnıkalyq jaǵynan qyzmet etýge qaýqary jetpeıdi. Al sýmen qamtamasyz etýdiń jańa jobalary iske qosylǵan joq, — dep jazdy Arsen Beısembaev. 

Aıtylǵan jaǵdaıǵa baılanysty Almaty ákimdiginiń baspasóz qyzmetine saýal joldadyq. Turǵyndar máselesin nazarda ustaıtyn bolamyz.

Aıta keteıik, buǵan deıin Almatyda jyldan-jylǵa ósip kele jatqan sý tapshylyǵy máselesiniń sheshimin usynǵan mamandardyń pikirimen bóliskenbiz.