Bratıslavadaǵy sammıtte Eýropalyq odaqty reformalaý joldary talqylanady
BRıÝSSELЬ. QazAqparat - EO memleket jáne úkimet basshylarynyń beıresmı sammıtinde Eýropalyq odaqty reformalaý taqyryby talqylanady. Bul týraly Eýrokeńes basshysy Donald Týsk óziniń hatynda jazdy. Ol qurlyqtyń 27 lıderin juma kúni Bratıslavada bolatyn sharaǵa shaqyrdy.
«Eýropalyq ınstıtýttarǵa jańa ókilettilikterdi berý oń nátıje bermegenin kórsetedi. Ulttyq saılaýshylar Odaq sheshimine kóbirek áser etýdi qalaıdy», - dep jazdy Týsk.
Onyń sózine qaraǵanda, qazirgi tańda EO zulymdyq retinde qarastyrylyp, «Brıýssel bıligin báseńdetý» urany saılaý naýqanynda jaǵymdy bolyp otyr. Osyǵan baılanysty Eýroodaq ókilettilikteriniń bir bóligin múshe elderge tapsyrý múmkindigin qarastyrýy tıis.
Budan bólek, Ulybrıtanııanyń Eýropalyq odaqtan shyǵýy týraly sóz qozǵalady.
«Bratıslavadaǵy kezdesý tarıhı kezeńde bolady. Eýropanyń 27 lıderi odaqqa múshe elderdiń biriniń EO-dan shyǵý týraly sheshiminen keıingi odaqtyń bolashaǵyn talqylaıdy», - dep atap ótti Týsk.
Onyń sózine qaraǵanda, qazir birneshe aıdan keıin óziniń 60 jyldyǵyn atap ótetin EO «qoǵamdastyq mańyzyn qýattaýdy qajet etedi».
«Birikken koroldiktegi referendýmnyń teris nátıjesin brıtanııalyq erekshelik dep sanaý durys emes», - dedi Eýrokeńes basshysy.
