Bratıslavadaǵy qandy qyrǵynnyń saldarynan jeti adam qaza boldy
ASTANA. Tamyzdyń 31-i. QazAqparat -Bratıslava irgesinde qandy qyrǵyn boldy. Qarýlanǵan bir er azamat jeti adamdy jaıratyp saldy, taǵy 15 adam jaralandy. Kelip túsken habarlar boıynsha, jaralanǵandardyń bireýiniń jaǵdaıy óte aýyr, dep habarlaıdy VVS.
Oqıǵa dúısenbi kúni tańerteń Devınska Nova Ves aýdanynda, sýpermarket pen balabaqshaǵa jaqyn jerdegi adamdar kóp júretin kóshede bolǵan. Qarýlanǵan 50 jastaǵy er azamat aldymen balabaqshanyń ústindegi páterde turatyn óziniń otbasyn túgel jaıratyp salǵan.
Páterde qaza bolǵan bes adam - tórt áıel men bir er azamat - syǵandar, bir otbasynyń músheleri bolǵan. Kózi qaraıǵan álgi azamattyń kóshege shyǵyp atyp salǵan taǵy bir erkek te osy otbasynyń múshesi bolýy yqtımal, dep habarlady polıtsııa basshysy ıAroslav Shpısıak.
Myltyqtyń daýsyn estip, óz páteriniń balkonyna shyqqan áıel - osy qandy qyrǵynnyń jetinshi qurbany bolǵan.
Kóshege shyǵyp, oq jaýdyrǵan álgi azamat taǵy 15 adamdy jaralaǵan, olardyń qatarynda polıtsııa qyzmetkeri men 3 jasar bala bar.
Polıtsııa basshysy ıAroslav Shpısıaktyń aıtýynsha, polıtsııa álgi qaskóıdi qorshaýǵa alǵan kezde, ol ózin atyp óltirgen. Odan avtomat jáne eki tapansha tabylǵan.
Qylmystyń aýany ázirge belgisiz, dep málim etti baspasóz máslıhatynda eldiń ishki ister mınıstri Dýshan Lıpsıch. Degenmen, Shyǵys Eýropa elderinde syǵandardyń jıi kemsitýshilikke ushyraıtynyn aıta ketý kerek.
