Brakonerlermen kúres jalǵasady - Nurlan Noǵaev
ASTANA. ATYRAÝ - QazAqparat - Atyraý oblysynyń ákimi Nurlan Noǵaev óńirdegi brakonerlermen kúres týraly aıtyp berdi, dep habarlaıdy QazAqparat tilshisi.
Ortalyq kommýnıkatsııalar qyzmetinde ótken baspasóz máslıhatynda jýrnalıster brakonerlerden túsetin anonımdi qońyraýlar men qorqytyp-úrkitýler týraly suraq qoıdy.
«Búginde Ulttyq Qaýipsizdik komıtetiniń, Іshki ister mınıstrliginiń, ákimdik, Aýyl sharýashylyǵy mınıstrligi jáne ózge de memlekettik organdardyń ókilderimen birlese jumys istep jatyrmyz. Ózara is-qımyl jospary túzildi. Jyl saıyn júıeli júrgizilgen sharalar óz nátıjesin berip jatyr. Ótken jyly Jaıyq ózeniniń Kaspıı teńizine jaqyn bóliginde Janbaı kenti men Qıǵash ózeni mańynda júzdegen tirkelmegen qaıyqtar tabylatyn. Qazir mundaı jaǵdaı joq», - dedi Nurlan Noǵaev.
Ákim munyń barlyǵy memlekettik organdardyń birlesip jumys isteýiniń nátıjesi ekenin eske saldy.
«Aldaǵy ýaqytta da bul jumystardy jalǵastyrtyramyz jáne balyq ónerkásibinde oń ózgerister bar dep esepteımiz. Balyq aýlaýda ótken ǵasyrdaǵydaı tabystarǵa jetý úshin Úkimet tereńdetilgen jumystarǵa qarajat bólip, balyq sharýashylyǵyndaǵy qaıta óńdeýdi damytý kerek. Bul jumystar da óz septigin tıgizedi», - dep atap ótti Nurlan Noǵaev.
