Brakonerlermen aıqasta qaza tapqan qoryqshy E. Nurǵalıevtiń ákesine »Barys» ordeni tapsyryldy
NUR-SULTAN. QazAqparat - QR Aýyl sharýashylyǵy mınıstrliginde Nıtsyk Petrov pen Erlan Nurǵalıevti (qaıtys bolǵannan keıin) ІІІ dárejeli "Barys" ordenimen marapattaý rásimi ótti, dep habarlaıdy QazAqparat QR AShM Orman sharýashylyǵy jáne janýarlar dúnıesi komıtetiniń Facebook-tegi paraqshasyna silteme jasap.
Qazaqstan Respýblıkasy Prezıdentiniń 2019 jylǵy 31 qańtardaǵy № 830 Jarlyǵymen Nıtsyk Petrov Alekseevıch pen Nurǵalıev Erlan Balǵabekulyn (qaıtys bolǵan keıin) Qyzmettik boryshyn atqarý ústinde kórsetken erjúrektigi men janqııarlyǵy úshin ІІІ dárejeli "Barys" ordenimen marapattaldy.
Mınıstrlik atynan nagradany Aýyl sharýashylyǵy vıtse-mınıstri Nysanbaev Erlan Nuralyuly ınspektor Nurǵalıev Erlannyń ákesine jáne Nıtsyk Petrge tabystady.
Eske salsaq, 2019 jyldyń 13 qańtarynda Qaraǵandy oblysy Nura aýdanynda "Ohotzooprom ÓB" RMQK ınspektory Nurǵalıev Erlan sırek kezdesetin jáne joq bolyp ketý qaýpi tóngen jabaıy tuıaqtylar men aqbókenderdi qorǵaý boıynsha is-sharalardy júrgizý barysynda brakonerlerdiӊ qolynan qaza tapqan bolatyn.
E. Nysanbaev memlekettik nagradalardy tabys ete otyryp, bul oqıǵa búkil respýblıkany kúızeltip, tabıǵat qorǵaýshylar men qarapaıym halyq arasynda rezonans týdyrǵanyn atap ótti.
«Tájirıbeli jáne kásibı mamandardyń biriniń mezgilsiz qaıtys bolýy qazaqstandyq tabıǵattyń brakonerlik pen qara naryq aldynda qorǵalmaǵanyn kórsetti.
Óz tarapynan mınıstrlik aýyr, ekstremaldy-klımattyq jaǵdaılarda jumys isteıtin ınspektorlardy qorǵaýdy zańnamalyq deńgeıde kúsheıtýge qol jetkizetin bolady.
Bizdiń tabıǵatty qorǵaýǵa barlyq memlekettik organdar men jurtshylyq múddeli bolýy tıis. Erlan Nurǵalıevtiń is-áreketi bolashaq urpaq úshin erlik pen patrıotızmniń úlgisi retinde máńgi este qalady», delingen habarlamada.
