Brakonerlerden tárkilengen balyq qaıda jiberiledi

ASTANA. QazAqparat – Zańsyz aýlanǵan balyqty tárkilegen soń qaıda jiberedi? Atalǵan saýalǵa Ekologııa jáne tabıǵı resýrstar mınıstrligi balyq sharýashylyǵy komıteti tóraǵasynyń orynbasary Aıan Bahııanov jaýap berdi, dep habarlaıdy QazAqparat tilshisi.

«Memlekettik ınspektorlar brakonerlik tásilmen aýlanǵan balyqtardy tárkileıdi. Ol balyq sot sheshimine deıin arnaıy uıymǵa tapsyrylady. Brakonerlik boıynsha qylmystyq is qozǵalady. Іs aıaqtalyp, sot sheshimi shyqqanǵa deıin balyq sol uıymda saqtalady. Zańsyz aýlanǵan balyq kólemin memleket kirisine tárkileý ne onyń aınalymy týraly sot sheshimi shyqqannan keıin odan ári iske sot oryndaýshylary kirisedi. Tárkilengen balyq satylady nemese joıylady», - dedi Aıan Bahııanov ortalyq kommýnıkatsııalar qyzmeti alańynda ótken baspasóz máslıhatynda.

Mınıstrlik ókiliniń aıtýynsha, balyqty satý jáne joıý sot oryndaýshylarynyń quzyrynda.