Brakonerlerden 1 tonnaǵa tarta bekire tuqymdas balyq alyndy - Kaspıı

ASTANA. 5 maýsym. QazAqparat - Aǵymdaǵy jylǵy sáýir men mamyr aralyǵynda Oral-Kaspıı basseıni aýmaǵynda brakonerlerdiń jolyn kesýge baǵyttalǵan «Bekire» jedel profılaktıkalyq is-sharasy ótkizildi.

Bul týraly QR Іshki ister mınıstrliginiń baspasóz qyzmeti habarlady.

Іs-sharany ótkizýge Atyraý, Mańǵystaý, Batys Qazaqstan oblystary ІІD-niń jáne Batys óńirlik kóliktegi polıtsııa kúshteri men quraldary jumyldyrylǵan.
Atalǵan is-shara UQK-niń Shekara qyzmeti, Tabıǵatty qorǵaý prokýratýrasy, Kedendik baqylaý jáne balyqty qorǵaý organdarymen birlese ótkizildi. Onyń sheńberinde sheńberinde, zańsyz balyq aýlaý, satyp alý, satý faktilerin ashý, balyq jáne balyq ónimderin kólik quraldarymen tasymaldaýǵa jol bermeý máselelerine erekshe kóńil bólindi.

«Mańǵystaý oblysy ІІD-niń tabıǵatty qorǵaý polıtsııasynyń qyzmetkerleri UQK Shekara qyzmetimen birlesip Qazaqstan Respýblıkasynyń aýmaqtyq sýlarynda zańsyz balyq aýlaýmen aınalysqan 15 shetel azamaty bar (Ázirbaıjan Respýblıkasynyń 5 azamaty jáne Reseı Federatsııasynyń 10 azamaty) 5 baıdany ustady.
Jalpy is-sharalar nátıjesi boıynsha 1,5 myńnan astam zańsyz balyq aýlaý, 11 - satyp alý men satý, 55 - balyq jáne balyq ónimderin tasymaldaý faktileri anyqtaldy», - delinedi habarlamada.

Іshki ister mınıstrliginiń habarlaǵanyndaı, is-shara nátıjesinde 1,5 myńnan astam quqyq buzýshy ustaldy, olardan 64 tonnadan astam, onyń ishinde 921 keli bekire tuqymdas balyq jáne 10 keli ýyldyryq alyndy. Sonymen qatar 1,2 myńnan astam aýlaý jáne 74 júzý quraly tárkilenip alyndy. 127 qylmystyq is qozǵalyp, olardyń 42-si sotqa joldandy. 1,2 myńnan astam ákimshilik hattama toltyrylyp, 3,4 mıllıon teńgege ákimshilik aıyppul óndirildi. Tabıǵatty qorǵaý zańnamasyn buzý faktileri boıynsha keltirilgen zııan somasy 14 mıllıon teńgeni qurady.