Brakonerler SQO-nyń ulttyq tabıǵı parkinde bulan atyp alǵan
SQO Polıtsııa departamenti baspasóz qyzmetiniń málimetinshe, Qyzyljar aýdany polıtsııa bóliminiń ýchaskelik polıtsııa ınspektorlary jáne «Kókshetaý» ulttyq memlekettik tabıǵı parkiniń qyzmetkerleri birlese júrgizgen reıd barysynda bulandy zańsyz atý faktisin anyqtady. Olar Qyzyljar aýdanyndaǵy Jaltyr kóliniń mańynda qarda júretin úsh tehnıkany baıqap qalǵan. Jaqyndaı bere ańdy múshelep jatqan adamdardy kórgen. Olardyń bireýi oqıǵa ornynda ustaldy, er adam 47 jastaǵy aýdan turǵyny bolyp shyqty.
Atalǵan fakti QR Qylmystyq kodeksiniń «Zańsyz ańshylyq» baby boıynsha Sotqa deıingi tergep-tekserýlerdiń biryńǵaı tizilimine engizildi. Aýdan ortalyǵynyń taǵy eki turǵyny kelesi kúni anyqtalyp, ustaldy. Qarda júretin úsh tehnıka, qos uńǵyly «IJ» myltyǵy, bulannyń múshelengen eti tárkilendi. Kúdiktiniń úsheýi de qamaýǵa alyndy.
«Zańnama talaptaryna sáıkes erekshe kúzetiletin tabıǵı aýmaqta zańsyz ań aýlaǵany úshin asa iri kólemde aıyppuldan, qamaýǵa alý nemese 6 jylǵa deıingi merzimge bas bostandyǵynan aıyrý nemese shekteý túrindegi jaza kózdelgen», - deıdi Qyzyljar aýdandyq polıtsııa bóliminiń bastyǵy Álıhan Baıqadamov.
Bul SQO-da bıyldyqqa alǵash ret anyqtalyp otyrǵan zańsyz ań aýlaý faktisi. Tabıǵatty qorǵaý polıtseıleri qazirgi ýaqytta oblys aýmaǵynda qańtar aıynan tuıaqty jabaıy janýarlardy atýǵa tyıym salynǵanyn, tek mamyq júndi ańdardy aýlaýǵa ruqsat etilgenin eske salady. Erekshe qorǵalatyn tabıǵı aýmaqtarda ań aýlaýǵa jol berilmeıdi. Óńirdiń tabıǵatyn brakonerlerden qorǵaý boıynsha reıdtik is-sharalar turaqty negizde júrgizilip keledi.