Brakonerler ormanda 18 túp qaraǵaıdy qazyp alǵan
KÓKShETAÝ. QazAqparat – Aqmola oblysynda brakonerler orman sharýashylyǵy aýmaǵynda ósip turǵan 18 túp qaraǵaı aǵashyn qazyp alǵan, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, brakoner qazyp alǵan aǵashty óziniń ýchaskesine otyrǵyzbaq bolǵan.
«2020 jylǵy sáýirdiń 17-inde Aqkól aýdandyq PB qyzmetkerleri men Krasnobor orman sharýashylyǵynyń jumysshylary Stepnoı orman sharýashylyǵy aýmaǵynda ósip turǵan 18 túp qaraǵaı aǵashynyń qazyp alynǵandyǵyn anyqtaǵan. Kúdikti retinde Astrahan aýdanynyń turǵyny, buryn sotty bolǵan 50 jastaǵy er adam ustaldy. Aldyna ala málimetter boıynsha keltirilgen shyǵyn kólemi 500 myń teńgeden asady. Kúdikti aǵashty qazyp jatqan jerinde ustaldy. Sondyqtan, aǵashtar qazylǵan jerinde qaldy. Er adam PB kezekshilik bólimine jetkizildi», - dedi tártip saqshylary.
Vedomstvodan atap ótkendeı, qazirgi kezde osyǵan baılanysty is qozǵalyp, tergeý amaldary júrgizilýde.
