Brakonerler óltirgen ınspektordyń otbasyna barlyq kómek kórsetiledi – mınıstrlik
NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev brakonerler qolynan mert bolǵan ınspektordyń otbasyna kóńil aıtty, dep habarlaıdy QazAqparat.
«Búgin brakonerlerdi ustaý kezinde Ohotzooprom ınspektory Qanysh Nurtazınov qaza taýyp, Ospanov Samat aýrýhanaǵa tústi. Qyzmettik mindetin oryndaý kezinde kóz jumǵan marqumnyń otbasyna qaıǵyryp, kóńil aıtamyn. Olardyń otbasyna barlyq qajetti kómek kórsetiledi», - dep jazdy mınıstr óziniń Tvıtter-derdegi paraqshasynda.
Aıta keteıik, ınspektorlar Aqmola oblysy Jarqaıyń aýdanynda tabıǵatty qorǵaý zańnamasyn buzǵandardyń aldyn alý sharasyn júrgizgen jáne kıik atý faktisin anyqtaǵan. Zań buzýshylardyń izine túskende 10 óńirge – Qostanaı oblysyna tıesili aq tústi «Nıva» markaly avtokólikten (memlekettik nómiri belgisiz) oq atylyp, eki ınspektor jaraqat alǵan. Saldarynan Qanysh Nurtazınov Derjavınsk aýrýhanasynda kóz jumdy.
Qazirgi ýaqytta marqumnyń denesin týǵan aýylyna jetkizý máseleleri talqylanyp jatyr.
Mınıstrliktiń habarlaýynsha, jaraqat alǵan ekinshi ınspektor Samat Ospanovqa Derjavınsk aýdandyq aýrýhanasynda ota jasalýda.
Aqmola oblysy Jarqaıyń aýdanynyń polıtsııa bólimi kúdiktilerdi izdep jatyr.
