Brakonerler Qostanaı ormanynda qyryqtan astam jas shyrshanyń tamyryna balta shapty
QOSTANAI. 22 jeltoqsan. QazAqparat /Petr Plahotnıkov/ - Tabıǵat qorǵaý polıtsııasynyń qyzmetkerleri Qostanaı-Sadchıkovka tas jolynda GAZ-52 avtokóligin toqtatyp, tekserý kezinde, kóliktiń júk salǵyshynan jas shyrshanyń 43 dińgegin anyqtady. Júk kóliginiń ishinde bolǵan úsh brakoner de quryqtaldy.
Qostanaı oblystyq ІІD Tabıǵat qorǵaý polıtsııasynyń bastyǵy Talǵat Ahmetov habarlaǵandaı, ustalǵandar Áýlıekól aýdanynyń orman sharýashylyqtaryndaǵy aǵashtardy zańsyz shabýmen 20 qarashadan beri aınalysyp kelgenin moıyndady. Aǵashtar satýǵa jiberildi. Mamandardyń esepteýinshe, memleketke keltirilgen shyǵyn 911 myń 385 teńgeni qurap otyr.
