Brakonerler bir jarym jylda 700-den astam kıikti qyryp salǵan

NUR-SULTAN. QazAqparat - Kıik atqysh brakonerler aıylyn jııar emes. QR Ekologııa, geologııa jáne tabıǵı resýrstar vıtse-mınıstri Erlan Nysanbaev búgin Ortalyq kommýnıkatsııalar qyzmetinde ótken brıfıngte osylaı málim etti.

«Kıik - Qazaqstannyń brendi. Álemdegi kıik popýlıatsııasynyń 90 paıyzy Qazaqstan aýmaǵynda shoǵyrlanǵan. Búginde el aýmaǵynda 334 myńdaı kıik bar. 2015 jylǵy indetten 100 myń bas kóleminde kıik qyrylǵanyn bilesizder. Sol oqıǵa bolmaǵanda qazir olardyń sany jarty mıllıonǵa jetken bolar edi. 2018 jyldan beri brakonerler 719 kıikti qyryp salǵan. Olardan 501 dana múıiz tárkilendi. Eń ókinishtisi, tabıǵı biregeılikti saqtaý jolynda áriptesterimizden aıyrylyp jatyrmyz», - dedi vıtse-mınıstr.