Brakonerler aýlaǵan 7 ıtbalyq Kaspıı teńizine qaıta jiberildi
«2023 jylǵy 30 sáýirde Qazaqstan men Reseı elderiniń shekara qyzmetteri QR-dyń ózge de ýákiletti organdarymen birge brakonerlik áreketterdiń jolyn kesýge baǵyttalǵan jedel-rofılaktıkalyq is-sharalardyń kezekti kezeńin ótkizdi:
- Reıdtik is-sharalar barysynda Kaspııdiń Qazaqstanmen shekaralas sýlarynda 58 quqyqbuzýshy anyqtalyp, 23 júzý quraly alyndy. Uzyndyǵy 100 shaqyrymnan asatyn brakonerlik tor jáne ózge aýlaý jabdyqtary tárkilendi.
- Tabıǵı mekendeý ortasyna 288 bekire tuqymdas balyq, 13 myń usaq tuqymdy balyq jáne 7 ıtbalyq jiberildi.
- 1 647 375 teńge kóleminde ákimshilik aıyppul salyndy. Memleketke 588 mln teńgeden asa keltiriletin zalaldyń aldy alyndy.
«Qazaqstan Respýblıkasy UQK Shekara qyzmeti Kaspıı teńiziniń bıologııalyq baılyǵyn qorǵaýǵa baǵyttalǵan sharalardy jalǵastyryp jatyr», - delingen QR UQK baspasóz qyzmetiniń habarlamasynda.
