«Brakoner» is-sharasynyń barysynda 109 ekologııalyq zań buzýshylyq anyqtaldy - Qyzylorda
QYZYLORDA. QazAqparat-Qyzylorda oblysynda «Brakoner» jedel-aldyn alý is-sharasy barysynda 27 shuǵyl top qurylǵan bolatyn. Sharanyń 10 kúninde oblys boıynsha barlyǵy 109 ekologııalyq zań buzýshylyq anyqtaldy.
Bul týraly QazAqparat tilshisi oblystyq ІІD silteme jasaı otyryp habarlady.
Onyń ishinde, zańsyz aǵashtar men butalardy kesýdiń - 2, zańsyz ań aýlaý jáne ań aýlaý erejelerin buzýdyń - 79, zańsyz balyq aýlaýdyń - 26, azamattyq qarýdy tasymaldaý, saqtaý erejesin buzýdyń 2 deregi tirkeldi.
Zańsyz ań, balyq aýlaýmen jáne zańsyz butalar men aǵashtardy kesýmen ustalǵan 2 avtokólik tárkilenip, aıyp alańdaryna jetkizildi. Atalǵan merzimde barlyǵy 6 qylmystyq is qozǵalyp, sotqa deıingi tergep-tekserý amaldary júrgizilýde.
Atap aıtqanda, Qyzylorda oblysy, Qarmaqshy aýdany tusynda 1979 j.t. azamattyń basqarýyndaǵy «GAZ-66» markaly avtokóligi toqtatylyp, tekserý barysynda avtokóliktiń júk salǵyshynan zańsyz sekseýil butalary tabyldy. Atalǵan derek boıynsha Qazaqstan Respýblıkasy Qylmystyq Kodeksiniń 340-baby, 1-bóligi boıynsha (aǵashtar men butalardy zańsyz kesý) qylmystyq is qozǵalyp, tergeý amaldary júrgizilýde.
Qyzylorda oblysy, Jalaǵash aýdanynda 1980 jyly týylǵan 2 azamat tún mezgilinde ań aýlap júrgen jerinen qolǵa tústi. Ustalǵandarǵa tıesili «Nıva» markaly avtokóligin tekserý barysynda, avtokóliktiń júksalǵyshynan 3 qoıannyń óli denesi anyqtaldy. 2 uńǵyly, 12 kalıbrli ańshy myltyǵy, 1 dana projektor aıǵaq zat retinde alyndy. Qazaqstan Respýblıkasy Qylmystyq Kodeksiniń 337-baby, 1-bóligi boıynsha qylmystyq is qozǵalyp, sotqa deıingi tergep-tekserý amaldary júrgizilýde.
