«Brakoner» is-sharasy barysynda 2,3 myńnan astam zań buzý faktici anyqtaldy

ASTANA. QazAqparat - 10 kúnniń ishinde «Brakoner» jedel-profılaktıkalyq is-sharasy barysynda 2,3 myńnan astam zańnama jáne ereje buzý faktisi anyqtaldy. Bul týraly QR ІІM Ákimshilik polıtsııa komıtetininen habarlandy.

«Іs-sharalar QR Aýyl sharýashylyǵy mınıstrliginiń orman sharýashylyǵy jáne janýarlar dúnıesi komıtetiniń aýmaqtyq organdarymen tyǵyz baılanysta júrgizildi. Barlyǵy 961 utqyr reıdtik toptar quryldy, onyń 224-i tabıǵatty qorǵaý organdarymen birlesken toptar», - delingen 10-19 qazan aralyǵynda júrgizilgen sharanyń qorytyndy málimetinde.

Reıdtik is-sharalar kezinde ańshylyq jáne balyq sharýashylyqtary, janýarlar álemi men ormandardy kúzetý memlekettik mekemeler men ańshylyq jáne balyq sharýashylyqtary aýmaqtarynyń aýyl arasyndaǵy joldar, erekshe kúzetiletin tabıǵı aýmaqtar, sondaı-aq aǵashtardy tıeý oryndary men kesý nysandary barynsha tekserýden ótti.

Jalpy júrgizilgen is-sharalar nátıjesinde 2,3 myńnan astam tabıǵatty qorǵaý zańnamasyn, sondaı-aq ańshylyq atys qarýyn saqtaý men alyp júrý erejesin buzý oqıǵasy tirkeldi. 2 126 quqyq buzýshy ákimshilik jaýapkershilikke tartyldy jáne somasy 2,6 mln. teńgeden astam aıyppul óndirildi. 186 ákimshilik hattama toltyrylyp, sotqa joldandy.

«29 ekologııalyq, 3 bıologııalyq qordyń resýrstaryn satyp alý, satý jáne urlaýmen baılanysty jáne 4 qarýdy, oq-dárilerdi, zańsyz satyp alý men saqtaý faktiler boıynsha barlyǵy 36 qylmystyq is qozǵaldy», - dep atap ótilgen habarlamada.

Reıdtik toptarmen 545,4 tekshe metr zańsyz daıyndalǵan aǵash, 15 tonnaǵa jýyq zańsyz aýlanǵan, onyń ishinde 274 keli bekire tuqymdas balyq, 16 zańsyz ańshylyq obektisi, 350 quqyq buzýshylyqtar quraly, onyń ishinde 198 birlik atys qarýy tárkilendi.

Anyqtalǵan quqyq buzýshylyq faktileri boıynsha jalpy keltirilgen zııan somasy 5,3 mln. teńgeden asady.