Brakoner arabtar Jambyl oblysynan qyrǵaýyldar áketpek bolǵan
Eske sala ketsek, Jambyl oblysynyń Sarysý aýdanyndaǵy Betpaqdala qumdy jerinde aýdandyq ІІB jáne prokýratýranyń tabıǵat qorǵaý qyzmetkerleri reıd barysynda «Nıssan Patrol» kóligindegi eki A. jáne F. 40 jastaǵy Saýd Arabııasynyń azamattaryn ustady. Olardan bir uńǵyly myltyq jáne 70 oq, atyp alynǵan 6 qarabaýyr buldyryq jáne bir dýadaq tabyldy. Atalǵan qustyń barlyǵy Qazaqstannyń Qyzyl kitabyna engizilgen.
«Jaýap alý barysynda kúdiktiler ózderi qyrǵaýyldardy aýlaý úshin kelgenin ony elindegi qustarmen býdandastyrmaq oılary bolǵanyn jetkizdi. Alaıda qarabaýyr buldyryq pen dýadaqty kórip atyp alǵan», - dep atap ótti Jambyl oblystyq ІІD baspasóqz qyzmeti.
Atalǵan oqıǵa boıynsha QR QK-niń 339 baby boıynsha qylmystyq is qozǵalǵan.
Eki kúdikti Qazaqstan Respýblıkasynyń QІK-niń 128 babyna sáıkes ýaqytsha ustaý abaqtysyna qamalýǵa alynyp, jaýap alynǵannan keıin prokýratýra tarapynan bosatyldy. Sot aldy tergeýi júrgizilýde.