Brakoner 4 mln teńge aıyppul tóleıdi - SQO
PETROPAVL. QazAqparat - SQO polıtseıleri qoryqshymen birlesip brakonerdi ustady, ol memleketke jarty mıllıonǵa jýyq shyǵyn ákeldi, dep habarlady «QazAqparat» HAA tilshisi SQO ІІD baspasóz qyzmetine silteme jasap.
Jambyl aýdanynda polıtsııa qyzmetkerleri men ańshylyq qoǵam tóraǵasy Jańajol aýyly turǵyndarynyń birinen terisi sypyrylǵan jabaıy qaban tárkiledi.
«Ańshylyq qoǵamda esepte turǵan Jańajol aýylynyń 50 jastaǵy turǵyny qabandy óltirip, ormanǵa etin qaldyryp, ony kórshisine alyp kelýdi ótingen. Úıdi tintý barysynda 4 gılza, 12 kalıbrli 3 patron, «IJ-43» markaly qarý tabyldy.
Eske salsaq, taralymyn kóbeıtý úshin qabandy aýlaý ýaqytsha toqtatylǵan bolatyn, tek qyrkúıektiń birinshi senbisinen 31 jeltoqsan aralyǵynda ǵana aýlaýǵa ruqsat etiledi», - dedi vedomstvo baspasóz qyzmetinen.
SQO ІІD baspasóz qyzmetinde oblystyq orman sharýashylyǵy jáne janýarlar álemi ınspektsııasy usynǵan esepke sáıkes 1 qabandy atqan shyǵyn 200 AEK nemese 453 800 teńgeni quraıtynyn naqtylady.
