Bir jyldan keıin jetken altyn: Qazaq balýany Azııa chempıony atandy

ASTANA. KAZINFORM – Grek-rım kúresinen 82 kelige deıingi salmaqta qazaqstandyq balýan Dıas Qalenge ótken jylǵy Azııa chempıonatynyń altyn medali berildi.

Sportty damytý dırektsııasynyń baspasóz qyzmeti atap ótkendeı, ol 2023 jyly kóktemde Astanada ótken sary qurlyq dodasynyń fınalyna deıin súrinbeı jetken. Alaıda, altyn medalǵa talasqan otandasymyz Qyrǵyzstan balýany Aqylbek Talantbekovke 2:3 esebimen ese jiberip, kúmis júldemen jarysty aıaqtaǵan edi. 

Biraq, jarystan keıin, naqtyraq aıtsaq, 2023 jylǵy 10 sáýirde qyrǵyz sportshysynyń analızinen tyıym salynǵan preparat («metasteron») anyqtalǵan. Ony Halyqaralyq test jasaý agenttigi (International Testing Agency) rastady. 

Nátıjesinde qyrǵyz sportshysynyń atalǵan Azııa birinshiligindegi jeńisiniń kúshi joıylyp, ony 4 jylǵa sporttan shettetti. Osylaısha, altyn medal qaıtadan qazaqstandyq Dıas Qalenge tapsyryldy.

Esterińizge sala keteıik, osyǵan deıin kúres túrlerinen 28-31 qazan kúnderi Albanııanyń Tırana qalasynda olımpıadalyq emes salmaqtardaǵy álem chempıonaty ótetini týraly jazǵan bolatynbyz.