Bir jylda «Oqjetpes» birikken shıpajaılarynda 45 myńǵa jýyq adam em alǵan
ASTANA.KAZINFORM — Prezıdent Іs basqarmasy Medıtsınalyq ortalyǵyna qarasty shıpajaılar jelisinde 2024 jyly 45 myńǵa jýyq adam saýyqtyrý sharalarynan ótken.
Onyń ishinde «Oqjetpes» emdeý-saýyqtyrý kesheninde 27.554 adam, onyń 1.936 shetel azamattary, «Almaty resort» Almaty qalasyndaǵy shıpajaı fılıalynda 10.992 adam, onyń 261-i sheteldik qonaqtar, Essentýkı kýrorttyq qalasynda ornalasqan «Qazaqstan» shıpajaıynda 4.881 adam saýyqtyrý sharalarynan ótken. Onyń 1.489 adamy shetel azamattary.
«Oqjetpes» brendine búginde úsh iri shıpajaı kiredi. Olar: Býrabaıdaǵy «Oqjetpes», Almaty qalasynda ornalasqan «Almaty resort» jáne Essentýkı kýrorttyq-aımaǵyndaǵy «Qazaqstan» shıpajaıy. Ár shıpajaı 13 saýyqtyrý jáne 10-nan astam ońaltý baǵdarlamasy men 112 emdik sharalaryn usynady.
Elimizdegi medıtsınalyq týrızmdi damytý maqsatynda ár shıpajaı biregeı emdelý baǵdarlamalaryn usynady. Úsh shıpajaıǵa shetel azamattar tarapynan qyzyǵýshylyq artyp keledi. Onyń ishinde kósh bastap turǵan Reseı men Ázirbaıjan memleketi.
Eń kóp suranysqa ıe emsharalar tiziminde sýmen emdeý (gıdroterapııa), galoterapııa, pantoterapııa jáne naftalan sharalary.
Eske sala keteıik, buǵan deıin Prezıdent Іs basqarmasynyń Medıtsınalyq ortalyǵynda 7 aı ishinde 11 myń adam em aldy.