Bir jylda ásirese kommýnaldyq qyzmetter men dári-dármek baǵasy qatty ózgergen

ASTANA. KAZINFORM — 2024 jylǵy tamyzda aılyq ınflıatsııa deńgeıi baıaýlap, 0,6% boldy (shildede — 0,7%). Aqyly qyzmetterdiń baǵasy — 1,1%, azyq-túlikke jatpaıtyn taýarlardiki — 0,8% ósti. Azyq-túlik taýarlarynyń baǵa ındeksi — 100%, dep habarlaıdy ulttyq statbıýro. 

Turǵyn úı-kommýnaldyq sharýashylyq salasynda sý burý tarıfi — 1,6%, sýyq sýǵa — 0,9% ósti. Qalalyq avtobýspen jol júrý — 9,3%, taksı 1,8% qymbattady. Baǵanyń ósýi turǵyn úıdi jalǵa berýde baıqaldy — 1,4%.

Azyq-túlikke jatpaıtyn taýarlar ishinde tamyz aıynda oqýshylardyń rıýkzagyna baǵa 4,7% ósti, balalar kıimine — 1,8%, balalar aıaq kıimine — 1,3%, keńse taýarlaryna — 1,1%. Ballondaǵy suıyq gaz 1,7% qymbattady.

Azyq-túlikten apelsınge baǵa — 4,2%, kúnbaǵys maıy men qyryqqabatqa — 2,2%, pııazǵa 1,9% ósti.

Baǵanyń tómendeýi júzimge — 10%, tátti buryshqa — 8,6%, qyzanaqqa — 7,8%, qııarǵa — 6,1%, qaraqumyq jarmasyna — 3,6%, qyzylshaǵa 3,2% belgilendi.

Óńirler bólinisinde azyq-túlik taýarlary boıynsha eń joǵary ósim Abaı oblysynda — 0,6%, azyq-túlik emes taýarlarda — Túrkistan oblysynda 1,7%, aqyly qyzmetter boıynsha — Almaty qalasynda 2,2%.

2024 jylǵy tamyzda jyldyq mánde ınflıatsııa deńgeıi 8,4% boldy. Aqyly qyzmetterdiń baǵasy — 13,6%, azyq-túlikke jatpaıtyn taýarlardyń baǵasy — 7,7%, azyq-túlik taýarlarynyń baǵasy — 5,5% ósti.

2023 jylǵy tamyzymen salystyrǵanda tarıfter ortalyqtan jylytýǵa — 33%, qoqys shyǵarýǵa — 23,5%, sý burýǵa — 22,9%, elektr energııasyna — 22,8%, sýyq sýǵa — 21,9%, ystyq sýǵa 20,2% ósti.

Densaýlyq saqtaý — 12%, baılanys qyzmetteri — 14,9% qymbattady.

Atsetılsalıtsıl qyshqylynyń baǵasy — 58,5%, belsendirilgen kómir — 30,4%, hılak forte — 24,3%, paratsetamol 20,1% ósti.

Banan — 28,3%, qyzanaq — 24,9%, qııar, záıtún maıy 21,6% júzim 21,2% qymbattady.

Kerisinshe, jyldyq mánde qyryqqabat — 27,6%, qaraqumyq jarmasy — 23,4%, kúnbaǵys maıy — 17,2%, pııaz 14,2% arzandady.