Bir jylda 2,6 myń eńbekker jumys istep júrip maıyp bolǵan
ASTANA. KAZINFORM — 2023 jyly elimizde eńbek qyzmetine baılanysty 2 670 adam jaraqat alǵan. Bul jaıynda ulttyq statbıýrodan habarlandy.
Jazataıym oqıǵalardyń negizgi bóligi iri jáne orta kásiporyndarda bolǵan — 2244 zardap shegýshi.
Jaraqattanýdyń eń joǵary kórsetkishi Qaraǵandy oblysynda saqtalyp otyr.
Byltyr bul aımaqta 496 jaǵdaı tirkelgen.
Salalar boıynsha jaraqattanǵandar úlesi:
- óńdeý ónerkásibi — 34,1%
- taý-ken ónerkásibi — 20,5%
- qurylys — 14,1%.
Jazataıym oqıǵadan bolǵan jaraqattyń negizgi túrleri jabyq synyqtar (611 adam), syrtqy jaraqat (507 adam), shaıqalýdan bolǵan jaraqat jáne ishki aǵza jaraqattary (276 adam), ashyq synyqtar (138 adam), termıkalyq kúıikter (102 adam) boldy.
Zardap shekkenderdiń jalpy sanynan áıelder úlesi — 18,2%.
Esepti jyly eń kóp taralǵan kásiptik aýrýlar: dorsalgııa — spetsıfıkalyq emes arqa aýrýy (414 adam); quramynda kremnıı bar shańnan týyndaǵan pnevmokonıoz (136 adam).
