Bir jyl ishinde elimizde 150 jańa erikti órt sóndirý pýnkti ashyldy
ASTANA. KAZINFORM — 2025 jyly Tótenshe jaǵdaılar mınıstrligi mınıstr general-leıtenant Shyńǵys Árinovtiń bastamasymen aýyldyq jerlerde azamattyq qorǵaý júıesin damytýǵa jáne nyǵaıtýǵa baǵyttalǵan «Aýyl qutqarýshylary» vedomstvolyq baǵdarlamasyn iske asyryp jatyr. Baǵdarlama Qazaqstan Respýblıkasy Tótenshe jaǵdaılar mınıstrliginiń basym baǵyttarynyń birine aınalyp, shalǵaı aýyldyq eldi mekenderdegi qaýipsizdik deńgeıin arttyrýǵa baǵyttalǵan.
Baǵdarlamany iske asyrý aıasynda Qazaqstannyń 17 óńirinde 150 jańa erikti órt sóndirý pýnkti quryldy. Olardyń ashylýy aýyldyq jerlerde órtke qarsy qorǵanysh jelisin aıtarlyqtaı keńeıtýge múmkindik berdi, munda buryn kásibı bólimsheler bolmaǵan nemese shuǵyl qyzmetterdiń kelý ýaqyty aıtarlyqtaı uzarǵan bolatyn.
Barlyq pýnkt táýlik boıy kezekshilik uıymdastyrý úshin qyzmettik-turmystyq úı-jaılarmen, zamanaýı baılanys quraldarymen, qajetti jabdyqtarmen jáne órt sóndirýshilerdiń kıimderimen qamtamasyz etilgen. TJM aýmaqtyq bólimshelerine 149 birlik órt tehnıkasy berildi, bul jedel áreket etý men órtti erte kezeńde oqshaýlaý múmkindikterin edáýir arttyrdy.
«Aýyl qutqarýshylary» baǵdarlamasyn iske asyrýda memleket, jergilikti atqarýshy organdar, bıznes ókilderi jáne bastamashyl azamattar arasyndaǵy belsendi ózara árekettestik qamtamasyz etilip jatyr. Joba aldaǵy ýaqytta da kezeń kezeńimen keńeıip, jańa eldi mekenderdi qamtı otyryp, aýyl halqynyń qaýipsizdik deńgeıin arttyrýǵa jáne eldiń azamattyq qaýipsizdik júıesin nyǵaıtýǵa múmkindik beredi.
Eske salsaq, budan buryn Shyǵys Qazaqstanda úsh jańa órt sóndirý beketi ashylǵanyn jazǵan edik.