Bir jyl qamaýda otyr: Ulttyq ulan Bas qolbasshysynyń orynbasary qandaı kúdikke ilindi

ASTANA. KAZINFORM — Ulttyq qaýipsizdik komıteti Ulttyq ulannyń burynǵy Bas qolbasshysynyń orynbasaryna qatysty tergeý barysy jóninde túsinikteme berdi.

Kazinform agenttigi joldaǵan resmı saýal jaýabynda Ulttyq qaýipsizdik komıteti tómendegini habarlap otyr. 

— Ulttyq ulannyń burynǵy Bas qolbasshysynyń orynbasaryna qatysty Qylmystyq kodekstiń 450 jáne 366-baby boıynsha tergeý sharalary jalǵasyp jatyr, — dep málimdedi komıtetten.

Qylmystyq kodeksiniń 366-baby para alý faktisi úshin jaýapkershilikti kózdeıdi. Bolǵan faktiniń jaǵdaıyna jáne para mólsherine baılanysty jaza iri aıyppuldan bastap 15 jylǵa deıin bas bostandyǵynan aıyrýdy, múlikti tárkileýge jáne belgili bir laýazymdy ómir boıy atqarý quqyǵynan aıyrýdy kózdeıdi. 

Sondaı-aq Qylmystyq kodekstiń 450-babynda bılikti nemese ókilettikti qyzmet múddesine qaıshy teris paıdalaný sıpattalǵan. Eń joǵary jaza — múlikti tárkileı otyryp, memlekettik qyzmetti atqarýǵa tyıym salýmen qatar 20 jylǵa deıin nemese ómir boıyna bas bostandyǵynan aıyrý qarastyrylady.

Eske sala ketsek, 2024 jyly qyrkúıekte Ulttyq ulan Bas qolbasshysynyń orynbasary ustaldy.

— Іshki ister mınıstrligi Ulttyq ulan Bas qolbasshysy orynbasarynyń quqyqqa qaıshy áreket jasady degen kúdikpen ustalǵanyn rastaıdy. Qazirgi ýaqytta quzyretti organdar ІІM-men birlesip, tergeý áreketterin júrgizip jatyr, — degen habar alǵan edik.