Bir jerdiń úsh ıesi bolǵan: Abaı oblysynda kóp jylǵa sozylǵan jer daýyna sot núkte qoıdy
SEMEI. KAZINFORM - Abaı oblysynda birneshe adam talasqan jer ýchaskesine qatysty kóp jyldyq daý aıaqtaldy.
Іs Abaı oblysynyń mamandandyrylǵan aýdanaralyq ákimshilik sotynda qaraldy.
Oqıǵa 2008 jyly bastalǵan. Sol kezde sharýa qojalyǵynyń basshysy Aqsýat aýdanyndaǵy jalpy aýmaǵy 420 gektar bolatyn úsh jer ýchaskesine jer paıdalaný quqyǵyn alǵan.
Keıinirek atalǵan aýmaqta ózge azamattarǵa tıesili turǵyn úıler ornalasqany anyqtalǵan. Osyǵan baılanysty jer ýchaskesiniń menshik quqyǵy men shekarasyna qatysty másele birneshe jyl boıy túrli sot ınstantsııalarynda qaralyp keldi.
2025 jyly Aqsýat aýdanynyń ákimdigi jer ýchaskesinde bógde nysandardyń baryn negizge alyp, jer paıdalanýshydan 1,1 gektar jerdi alyp qoıý týraly qaýly shyǵarǵan. Alaıda sot jergilikti atqarýshy organ óz ókilettigin asyra paıdalanǵan degen qorytyndyǵa keldi.
- Sot sheshiminsiz jer ýchaskesiniń shekarasyn ózgertý zańdy jer paıdalanýshynyń quqyqtaryn buzady, - dep habarlady Abaı oblystyq sotynan.
Іsti qaraý barysynda sot buǵan deıin qabyldanǵan sheshimderdi, sonyń ishinde Joǵarǵy sottyń ustanymyn da eskergen.
- Buǵan deıingi sot sheshimderinde jer ýchaskesiniń talapkerge zańdy negizde berilgeni anyqtaldy. Al onyń shekarasyna qatysty kez kelgen daýly ózgerister tek sot tártibimen sheshilýi tıis, - dep málimdedi sottyń baspasóz qyzmetinen.
Nátıjesinde ákimdiktiń qaýlysy zańsyz dep tanylyp, kúshi joıyldy.
Eske salsaq, osyǵan deıin Shyǵys Qazaqstan oblysynda jyl basynan beri jer úı salý úshin 10 sotyq jerdi 47 adam alǵany habarlanǵan.
