Bir jaǵdaı bolsa: Tramp AQSh vıtse-prezıdentine qupııa hat saqtaıdy
ASTANA.KAZINFORM — AQSh Prezıdeni kómekshisiniń orynbasary Sebastıan Gorka Donald Tramp vıtse-prezıdent Djeı Dı Venske Aq úı prezıdenti qyzmetin atqarýy qajet bolǵan jaǵdaıda qajetti nusqaýlardy Sopaqsha kabınette saqtaıtynyn málimdedi, dep habarlaıdy FOX News.
— Resolute Desk tartpasynda birdeńe bolǵan jaǵdaıda vıtse-prezıdentke joldanǵan hat bar, — dedi Sebastıan Gorka sársenbide «Pod Force One» podkastynda.
Tramp ómirine birneshe ret qaýip tóndi, sonyń ishinde birneshe apta buryn Aq úı tilshileriniń keshki asynda jasalǵan qastandyq áreketi prezıdent qaýipsizdigine qatysty alańdaýshylyq týdyrdy.
— Barlyǵy bul kisige jaqyndaýdy qalaıdy. Ol Eızenhaýerden keıingi eń yqpaldy adam. Durys pa? Onymen barlyǵy birge ústel basynda otyrǵysy keledi, memlekettik keshki asqa qatysyp, tanylǵysy keledi, — dedi prezıdent kómekshisiniń orynbasary jáne terrorızmge qarsy kúres jónindegi aǵa dırektor.
AQSh Konstıtýtsııasy men 1947 jylǵy Prezıdent muragerligi týraly zańǵa sáıkes, prezıdenttik laýazymǵa birinshi kezekte vıtse-prezıdent, odan keıin Ókilder palatasynyń spıkeri jáne Senat tóraǵasy, sondaı-aq Mınıstrler kabınetiniń músheleri keledi.
Buǵan deıin Aq úı tilshileriniń keshki asynda bolǵan atys boıynsha kúdiktige AQSh prezıdentine qastandyq jasaýǵa oqtaldy degen aıyp taǵylǵany habarlanǵan bolatyn.
