Bir túnde Astanadan 20 myń tekshe metrden astam qar shyǵaryldy

ASTANA. KAZINFORM – Elordada qar tazalaý jumystaryna 2,5 myńnan astam jol jumysshysy jumyldyryldy. 

Astana ákimdigi saıtynyń habarlaýynsha, 14 naýryz kúni tańerteń elorda kóshelerin qar men muzdan tazartýǵa 1 200-ge jýyq arnaıy tehnıka men 2 500-den asa jol jumysshysy shyqqan. 

13 naýryzdan 14 naýryzǵa qaraǵan túni Astanadan 1 500-ge jýyq aýyr júk, ıaǵnı, 20 myń tekshe metrden astam qar shyǵaryldy.

Qys basynan beri polıgondarǵa barlyǵy 462,7 myń júk kóliginiń kólemine teń 6,26 mln tekshe metr qar jetkizildi. 

Qalada qar tazalaý táýlik boıy júrgiziledi. Birinshi kezekte ortalyq kósheler, jolaýshylar kóligi marshrýttary, aıaldamalar men trotýarlar tazalanady. 

Kóktaıǵaq kezinde qala turǵyndarynyń yńǵaıly qozǵalysy úshin joldarǵa, trotýarlar men kóshelerge qum-tuz qospasy sebiledi. Avtokólik júrgizýshilerinen jolda muqııat bolý, jyldamdyq rejımin saqtaý suralady.