Bir top jasóspirim oqýshyny soqqyǵa jyǵyp, ony vıdeoǵa túsirgen
ASTANA. KAZINFORM — Elorda mektepteriniń birinde oqýshyny uryp-soǵý faktisi anyqtaldy. Oqıǵa 4 qyrkúıekte bolǵan.
Jelide jarııalanǵan vıdeodan bir top oqýshynyń jasóspirimdi buryshqa taqap qoıyp, uryp-teýip jatqanyn baıqaýǵa bolady.
Jazba avtorynyń aıtýynsha, jasóspirimge kúsh kórsetý elordadaǵy № 83 mektep-gımnazııada bolǵan.
Sondaı-aq, buzaqylar basqa oqýshylarǵa da kún kórsetpeıtini aıtylǵan.
Іstiń mán-jaıyn qalalyq bilim basqarmasynan suraǵan edik.
«Atalǵan jaǵdaı 4 qyrkúıekte bolǵan. Búginde buzaqylardyń kim ekeni anyqtaldy. Mektep basshylyǵy tártip saqshylarymen birlesip balalar jáne olardyń ata-anasymen túsindirý jumysyn júrgizdi. Sonymen qatar oqýshylardan suraý alynyp, olar mektepishilik baqylaýǵa qoıyldy», — degen jaýap aldyq basqarmanyń baspasóz qyzmetinen.
Sondaı-aq qalalyq Polıtsııa departamentinen atalǵan is boıynsha qylmys is qozǵalǵany aıtyldy.
«№ 83 mektep-gımnazııasynyń oqýshysyn uryp-soǵý faktisi boıynsha qylmystyq is qozǵalǵanyn habarlaıdy. Tóbelestiń barlyq qatysýshylary mektep ishindegi esepke alyndy. Pedagogtardyń jaýapkershiligi týraly másele qaralady», — delingen habarlamada.
Aıta ketsek, bıyl Astanadaǵy bilim berý uıymdarynda býllıngke qarsy baǵdarlama iske qosyldy.
Eske sala keteıik, elimizdegi sýıtsıd, býllıng, uryp-soǵýdan áıelder men balalardy qorǵaıtyn zańnama qalaı ózgergenin jazǵan edik.
