Bir sát Tik-Tok-tan bas kóterińizder: Prezıdent Qazaqstannyń áleýmettik mindettemeleri týraly aıtty
ASTANA. KAZINFORM – Qazaqstan azamattarynyń tegin medıtsınalyq kómek alýǵa quqyǵy Konstıtýtsııada bekitilgen. Memleket basshysy Qasym-Jomart Toqaev eldiń áleýmettik mindettemelerden bas tartpaıtynyn aıtyp, Qazaqstandaǵy tegin medıtsınalyq kómek týraly pikir bildirdi.
– Qazaqstan – shyn máninde áleýmettik memleket. Ol qur sóz emes. Másele áleýmettik qamsyzdandyrýǵa jumsalatyn orasan zor qarjy kóleminde de emes. Áıtse de bul taqyrypty qozǵaýǵa týra keledi, – dedi Qasym-Jomart Toqaev Prezıdent saıabaǵynda ótken «Taza Qazaqstan» ekologııalyq aktsııasynda.
Onyń aıtýynsha, Memleket óziniń áleýmettik mindettemelerinen eshqashan bas tartpaıdy. Óıtkeni bul mindet Konstıtýtsııamyzda anyq ári týra jazylǵan.
– Ata zańnyń mátininde «Qazaqstan Respýblıkasynyń azamattary zańda belgilengen medıtsınalyq kómekti aqy tólemeı alýǵa quqyly» degen arnaıy bap bar. ıAǵnı memleket kepildendirilgen kólemde tegin medıtsınalyq kómek beredi. Bir sát Tık-Toktan bas kóterip, mundaı mindetteme taǵy qandaı eldiń Konstıtýtsııasynda bar ekenin qarap kórińizder, – dedi Prezıdent.
Qazaqstanda ǵana bıýdjetten tólenetin medıtsınalyq kómek memleketimizdiń ár azamatyna, tek óz halqymyzǵa ǵana emes, shetelden kelgen árbir qandasqa, tipti elimizde turýǵa ruqsaty bar sheteldik azamattardyń keıbir sanatyna da usynylady.
– Basyńyz aýyryp, baltyryńyz syzdasa, sizge jaı ǵana aspırın bere salmaıdy, ýchaskelik dáriger qabyldap, tekseredi, dıagnoz qoıady. Densaýlyǵyńyzǵa qaýip tóngen jaǵdaıda jedel kómek kórsetiledi. Dıabet, onkologııa, týberkýlez jáne basqa da keń taralǵan syrqat túrlerine em-dom jasalady. Naýqastarǵa dári-dármek tegin beriledi, jedel járdemmen, tipti sanıtarııalyq avıatsııamen qamtamasyz etiledi, – dedi Q. Toqaev.
Buǵan deıin Prezıdent el ishindegi joldardyń sapasyna shúıligip, sabotajǵa teńegen edi.
Qazaqstannyń iri qalalaryndaǵy tazalyq, qaýipsizdik jáne jaıly qoǵamdyq keńistikter sheteldik qonaqtardyń da nazaryn aýdaryp otyr.
Sondaı-aq astanalyq Ýrbanıstıka ortalyǵynyń tájirıbesin óńirlerge taratý qajet.
