Bir palataly Quryltaı zań jobalaryn úsh oqylymda qaraıdy

ASTANA. KAZINFORM – Memlekettik keńesshi – Konstıtýtsııalyq komıssııa tóraǵasynyń orynbasary Erlan Qarın Konstıtýtsııalyq reforma jónindegi komıssııanyń birinshi otyrysynda Quryltaıdyń zań qabyldaý úderisi qandaı formatta uıymdastyrylatynyn aıtty. 

– Bir palataly Quryltaıdyń zań shyǵarý úderisi de jumys tobynyń otyrystarynda jan-jaqty talqylandy. Nátıjesinde, Quryltaı jumysyna zań jobalaryn úsh oqylymda qarastyrý formatyn engizý usynyldy. Alǵashqy eki oqylymda zań jobasynyń mazmuny aıqyndalady. Al úshinshi oqylym zań jobasynyń zańnamalyq turǵydan durystyǵyn qamtamasyz etedi, - dedi ol.

Erlan Qarın zań shyǵarý úderisiniń úzdiksiz bolýyna Parlamentte ekinshi palatanyń bolmaýy buǵan kedergi keltirmeıtinin atap ótti.

– Sondyqtan Parlament bolmaǵan kezde zań shyǵarý fýnktsııasy memlekettiń eń joǵary laýazymdy tulǵasy – Prezıdentke júkteledi. Jumys toby osyndaı usynys engizdi, - dedi Memlekettik keńesshi.

Aıta keteıik, Jibek Joly arnasy Konstıtýtsııalyq reforma jónindegi komıssııanyń birinshi otyrysyn tikeleı efırde kórsetip jatyr.

Buǵan deıin Konstıtýtsııalyq komıssııanyń quramynda kimder kirgenin jazǵan edik.