Bir oblysta kólik qozǵalysyna shekteý engizildi

TALDYQORǴAN. KAZINFORM — Aýa raıynyń qolaısyzdyǵyna baılanysty Jetisý oblysy aýmaǵynda kólik qozǵalysyna ýaqytsha shekteý engizildi, dep habarlaıdy QazAvtoJol.

2025 jylǵy 23 jeltoqsan saǵat 15:00-de aýa raıynyń nasharlaýyna baılanysty respýblıkalyq mańyzy bar «Úsharal – Dostyq» avtojolynyń 84-164 shaqyrym aralyǵynda (Kóktuma aýyly – Dostyq stantsııasy) kóliktiń barlyq túriniń qozǵalysyna shekteý engiziledi. 

Eske sala keteıik, buǵan deıin Qyzylorda oblysynda respýblıkalyq mańyzy bar avtojol ýchaskeleri ýaqytsha jabylatynyn jazǵanbyz.