Bir mıllıonnan astam qazaqstandyq eń tómengi nemese odan da tómen jalaqy alady
ASTANA. KAZINFORM — Elde mıllıonnan astam azamattyń jalaqysy eń tómengi jalaqy deńgeıinde nemese odan tómen. Atalǵan jaıtqa Eńbek jáne halyqty áleýmettik qorǵaý mınıstri Svetlana Jaqypova túsinik berdi.
Eńbek jáne halyqty áleýmettik qorǵaý mınıstrliginiń málimetinshe, 2025 jyly eń tómengi jalaqy — 85 000 teńge, ony 790 myń qazaqstandyq alady. Odan bólek, 329 myń azamattyń resmı jalaqysy joǵaryda atalǵan deńgeıden de tómen.
Osy oraıda mınıstr jalaqy naqty esepteý, mindetti aýdarym negizinde júrgiziletinin atap ótti.
— Esepteý Biryńǵaı jınaqtaýshy zeınetaqy qoryna, Áleýmettik saqtandyrý qoryna, Medıtsınalyq saqtandyrý qoryna aýdarylǵan mindetti zeınetaqy jarna men áleýmettik aýdarymnan shyǵady, — dep túsindirdi vedomstvo basshysy.
Buǵan deıin Svetlana Jaqypova biryńǵaı áleýmettik standart ázirlenetinin málimdegen edi.
Búgin Májilis eń tómengi jalaqyny belgileý týraly zańdy qabyldady.