Bir mıllıon brıtandyq bala kedeılikke tap boldy

Ulybrıtanııada kedeılik deńgeıiniń ósýi baıqalady. Ótken jyly Ulybrıtanııanyń 3,8 mıllıon turǵyny, onyń ishinde bir mıllıon bala joqshylyqqa tap bolǵan, dep habarlaıdy Kazinform.

Joseph Rowntree Foundation úkimettik emes uıymynyń zertteýi Ulybrıtanııada sońǵy úsh jyldaǵy kedeılik deńgeıi 61% óskenin kórsetedi. Al muqtaj balalardyń sany 2017 jyldan beri úsh ese ósken.

Kedeılik negizgi fızıkalyq qajettilikterdi qanaǵattandyra almaý retinde anyqtalady. Bul azyq-túliktiń jetispeýshiligi, turǵyn úıdiń bolmaýy, kıim-keshek jáne adamnyń qalypty ómir súrýi úshin qajet basqa da zattar joqtyǵy.

Sonymen qatar kommýnaldyq tólemderdi ýaqtyly tólemeý jáne tutynýshylyq nesıe tólemderin keshiktirý saýalnamaǵa qatysqandardyń kópshiligine tán boldy. Al azyq-túlik bankterin paıdalanatyn adamdardyń úlesi 2019 jylǵy 22% 2022 jyly 35% deıin ósken.
Joqshylyq kedeılikte ómir súretin adamdardyń jaǵdaıyn nasharlatyp, qıyndaı túsedi. Onyń ishinde qaryzdardyń ósýi, azyq-túlik bankterine táýeldilik, turǵyn úıdiń joqtyǵy jáne azyq-túlik tapshylyǵy jaǵdaıdy odan ári qıyndata túsedi.

Zertteý avtorlary Ulybrıtanııanyń áleýmettik qamsyzdandyrý júıesi kedeıliktiń aldyn ala almaıdy, óıtkeni áleýmettik tólemderdiń bazalyq stavkasy óte tómen, sondyqtan ol eldegi kedeılik shegin eńsere almaıdy.

Sondyqtan, búginde áleýmettik qoldaýǵa quqyǵy joq ımmıgranttarmen shektelgen kedeılikke negizinen áleýmettik járdemaqy alatyn Ulybrıtanııa azamattary men otbasylar tap bolýda.