Bir malǵa 808 mln teńge sýbsıdııa alǵan – Mádı Tákıev
ASTANA. KAZINFORM — Keıbir uıymdar bıýdjetti kredıtti depozıtke salyp, paıda taýyp otyrǵan. Bul týraly búgin Úkimet otyrysynda Qarjy mınıstri Mádı Tákıev aıtty.
- Júrgizilgen tekserýlerdiń nátıjeleri memlekettik qoldaý júıesiniń jekelegen qatysýshylary bıýdjet qarajatyn maqsatyna saı paıdalanbaı otyrǵanyn kórsetti. Birneshe mysalǵa toqtala keteıin. Keıbir uıymdar qarjy ınstıtýttary bolmasa da bólingen qarajatty kredıt berýge jáne paıyz túrinde tabys ala otyryp, olardy depozıtke ornalastyrýǵa paıdalanǵan, - dedi mınıstr.
Osy oraıda Mádı Tákıev naqty mysaldar keltirdi.
- Bólingen 1 mlrd teńge bıýdjettik kredıtti depozıtke salý arqyly 80 mln teńge paıda kórgen faktiler anyqtaldy. Bir mal basyna 808 mln teńgege birneshe ret sýbsıdııa alý jaǵdaılary da oryn aldy. Bul mysaldar baqylaý men tsıfrlyq taldaýdy kúsheıtý – memlekettik aýdıttiń tıimdiligin arttyrýdyń negizgi baǵyty bolyp qala beretinin kórsetip otyr, - dedi ol.
Sondaı-aq mınıstr bilim berý salasynda qarajatty jumsaý kezindegi buzýshylyqtardy da atady.