Bir kúnniń ishinde taýar bırjasy arqyly 23 000 tonna astyq satyldy
ASTANA. KAZINFORM — Bir kúnniń ishinde «Azyq-túlik kelisimshart korporatsııasy» taýar bırjasy arqyly 23 000 tonna astyq satty.
«Azyq-túlik kelisimshart korporatsııasy» UK» AQ «Eýrazııalyq saýda júıesi» taýar bırjasy» AQ taýar bırjasynda astyq satýdy bastady. Alǵashqy bırjalyq saýda-sattyq sheńberinde EXW (franko-elevator) jetkizý sharttarymen 3-synypty 23 myń tonna bıdaı satyldy.
Saýda-sattyq qorytyndysy boıynsha satý baǵalary:
- 3-synypty bıdaı (jelimtek 23-24%) — QQS-men 85 000 teńge/tonna;
- 3-synypty bıdaı (jelimtek 25-26%) — QQS-men 88 000 teńge/tonna;
- 3-synypty bıdaı (jelimtek 27+%, Hi-pro) — QQS-men 130 000 teńge/tonna.
— Ulttyq astyq operatory taýar bırjasynda belsendi jumysyn jalǵastyrýda jáne barlyq múddeli taraptardy saýda-sattyqqa qatysýǵa shaqyrady. Taýar bırjasy astyqty satýǵa yńǵaıly platformany usynady, sondaı-aq naryqtyń barlyq qatysýshysy úshin ashyqtyq pen básekege qabiletti jaǵdaılardy qamtamasyz etedi. Bırjadaǵy saýda sessııasy jumys kúnderi saǵat 10.00-den 17.00-ge deıin ótedi. «Azyq-túlik kelisimshartkorporatsııasy» UK» AQ satyp alýshylar men seriktesterdi astyqty resmı saýda alańy arqyly satyp alý múmkindigin paıdalanýǵa shaqyrady, — delingen korporatsııa taratqan aqparatta.
Buǵan deıin Prezıdent Úkimetke Azyq-túlik korporatsııasy arqyly sharýalardan astyq satyp alýdy tapsyrǵanyn jazǵan edik.