Bir kúnde avtodromdarda úsh jol-kólik oqıǵasy boldy
ASTANA. KAZINFORM — Búgin bir kún ishinde avtodromdarda praktıkalyq emtıhan tapsyrý kezinde úsh jol-kólik oqıǵasy tirkeldi. Al jyl basynan beri mundaı oqıǵalardyń sany júzge jetken. Bul týraly «Azamattarǵa arnalǵan úkimet» Memlekettik korporatsııasy málim etti.
Búgin Astana, Aqtóbe jáne Taldyqorǵan qalalaryndaǵy avtodromdarda praktıkalyq emtıhan kezinde úmitkerler kólikti basqara almaı, emtıhan jospardan tys aıaqtalǵan. Qýanyshqa oraı, zardap shekkender joq.
Azamattarǵa arnalǵan úkimettiń málimetinshe, emtıhan tapsyrý barysynda úmitkerler pedaldardy shatastyryp, jol belgileri men qorshaýlardy qaǵyp ketetin jaǵdaılar bolady. Tipti ózge kólikterge soǵylyp ta qalady.
— Bul oqıǵalar praktıkalyq emtıhanǵa kelmes buryn, teorııalyq bilimnen bólek, avtokólikti senimdi basqarýdy úırenip, kez kelgen tosyn jaǵdaıǵa jyldam áreket etýge daıyn bolý qajet ekenin kórsetedi. Rólde abaı bolyp, emtıhanǵa tyńǵylyqty daıyndalǵan jón. Jol ústindegi nemquraılylyqtyń sońy ókinishke uryndyrýy múmkin, — dep habarlady korporatsııadan.
Aıta keteıik, 10 myńnan astam júrgizýshiniń kýáligi ne sebepti jaramsyz dep tanylǵany belgili boldy.
