Bir kún qaldy: Almatyda qansha moped tirkeldi

ALMATY. KAZINFORM – 5 sáýirden bastap Qazaqstanda tirkelmegen mopedter aıypturaǵyna qoıylady.

Almaty polıtsııa departamentiniń málimetinshe, 4 sáýirdegi jaǵdaı boıynsha qalada 8539 moped tirkeldi. Onyń 3100-i eksterrıtorııalyq qaǵıdatyna saı tirkelgen.

Polıtsııa kampanııanyń aıaqtalýyna 1 kún qalǵanyn eske saldy.

– 5 sáýirden bastap tirkelmegen mopedter aıypturaǵyna qoıylady, al olardyń ıeleri Qazaqstan Respýblıkasynyń ákimshilik zańnamasyna sáıkes jaýapkershilikke tartylady,– delingen habarlamada.

Buǵan deıin mopedterin tirkemegenderge qandaı jaýapkershilik kózdelgenin jazǵan edik. 

ІІM Ákimshilik polıtsııa komıtetiniń tóraǵasy Qaısar Sultanbaev jol erejesin buzǵan moped júrgizýshilerine jaza qatańdatylatyny týraly aıtqan bolatyn.