Bir kóshe — bir tańdaý: Almaty oblysynda 100-den astam aýyl turǵyny tańerteń birge daýys berdi
QONAEV. KAZINFORM – Sheńgeldi aýylyndaǵy Qazaqstan kóshesiniń turǵyndary Quryltaı saılaýyna belsendi qatysyp, tańǵy saǵat 8:00–de № 956 saılaý ýchaskesine birge kelip, óz tańdaýlaryn jasady.
Bir mezette 100-den astam turǵynnyń saılaý ýchaskesine jınalýy aýyldaǵy aýyzbirshilik pen azamattyq belsendiliktiń jarqyn kórinisine aınaldy.
Qazaqstan kóshesiniń turǵyndary qatarynda «Aqbota» bóbekjaı-balabaqshasynyń tárbıeshisi, kópbalaly ana Alfııa Doldanova da óz tańdaýyn jasady.
— Búgin biz bir kóshe bolyp, birge kelip daýys berdik. Bul — bizdiń el bolashaǵyna beıjaı qaramaıtynymyzdyń belgisi. Ár azamattyń tańdaýy mańyzdy dep oılaımyn. Balalarymyzdyń bolashaǵy jarqyn, elimiz tynysh ári berekeli bolsyn, — dedi Alfııa Doldanova.
Qazaqstan kóshesiniń turǵyndary úshin tańǵy daýys berý erekshe atmosferada ótti. Úlkendermen qatar jastar men otbasylar da belsendilik tanytyp, saılaýǵa azamattyq jaýapkershilikpen qatysyp otyr.
Aıta keteıik, Sheńgeldi aýyldyq okrýgi boıynsha saılaýshylar sany 5361-di qurap otyr.
