«Bir beldeý – bir jol» jobasyn 140 memleket qoldap otyr
QAShQAR.KAZINFORM - Ortalyq jáne Ońtústik Azııa memleketteri arasyndaǵy ekonomıkanyń odan ári ilgerleýine, týrızmniń damýyna buqaralyq aqparat quraldary da yqpal etti. Bul týraly «Shyńjań-Qashqar» jármeńkesi aıasynda ótken konferentsııa barysynda jýrnalıster aıtty.
Ortalyq jáne Ońtústik Azııa elderiniń taýar óndirýshilerine arnalǵan «Shyńjań-Qashqar» jármeńkesine Qyrǵyzstan, Ózbekstan, Tájikstan, Aýǵanstan jáne Qazaqstannyń barlyǵy 20 buqaralyq aqparat quraly ókilderi qatysty. CNS Qytaı memlekettik agenttiginiń Sıntszıan fılıaly bas redaktorynyń orynbasary Van Tszıan Shenniń aıtýynsha, Ortalyq Azııa elderiniń jýrnalısterin Qytaıda ótetin aýqymdy sharalarǵa shaqyrý dástúrge aınalǵan. Bul aqpartty shynaıy ári der kezinde jetkizýge múmkindik týǵyzady.
«2013 jyly QHR tóreǵasy Sı Tszınpın Qazaqstanǵa jasaǵan resmı issapary barysynda Uly Jibek joly boıynda ornalasqan elder úshin ekonomıkalyq beldeý qurýdy usynǵan bolatyn. Al 2023 jyly Qytaı men Ortalyq Azııa elderiniń alǵashqy sammıti ótti. On jyl ishinde kóptegen oń ózgeris boldy. Ony ózderińiz de kórsetip, jazyp júrsizder», - dedi ol.
Ózbekstandyq jýrnalıst Asadbek Bobojonov Qytaı men Ortalyq Azııa memleketteri arasyndaǵy «Bir beldeý - bir jol» mega jobasyna qazir Eýropa elderi de qyzyǵýshylyq tanytyp otyrǵanyn jetkizdi.
«Resmı derekterge súıener bolsaq, qazir 140 memleket pen 30 halyqaralyq uıym «Bir beldeý - bir jol» jobasyn qoldap otyr. Bul atalǵan baǵdarlamaǵa aldaǵy ýaqytta Eýropa elderi de qosylýy múmkin degendi bildiredi», - deıdi ol.
Jýrnalısterdiń pikirinshe, Qytaı men Ortalyq jáne Ońtústik Azııa memleketteri arasyndaǵy ekonomıkanyń odan ári ilgerileýine, týrızmniń damýyna buqaralyq aqparat quraldary da yqpal etti.
Osyǵan deıin, jármeńkege Qazaqstanan 10 kompanııa qatysyp jatqany týraly jazǵan bolatynbyz.
Sondaı-aq Qytaıdyń CNS agenttigi Kazinform-men birlesip jumys isteýge nıetti ekenin jetkizgen edi.
